葉世榮大搞黃家駒紀錄片展映 公開未曝光照片

2025年10月30日 09:16

• Tweet

東網電視

更多新聞短片

殿堂級樂隊Beyond主音黃家駒逝世至今32年，其1993年的經典作《海闊天空》MV，在線上影片平台點擊次數逾1億6千萬次，可見其搖滾地位永垂不朽。而其隊友葉世榮及Beyond前經理人陳健添（Leslie)於10月31日及11月7日假灣仔舉行「《Because of You Ka Kui • 真的相識過》黃家駒超世紀紀錄片」香港•展映，紀錄片中達20位家駒最親密的夥伴，以訪談方式講述家駒的故事，當中有鮮為人知的往事，且有大量珍貴及未曝光過的照片。

任紀錄片監製的世榮表示：「呢個紀錄片嘅結論係家駒有好多方面值得我哋去學習，佢對音樂、個人理想嘅追求，做事堅持嘅態度同投入感，都係非常值得我哋去借鏡，佢係個好特別嘅普通人，又係個非常可愛嘅人。」

同是任監製的Leslie跟Beyond成員、家駒胞弟黃家強屢次隔空罵戰，對於今次以家駒之名搞展映可擔心再惹是非？他越洋受訪說表示：「今次世榮做監製，我冇出鏡喎，如果我係斂財，世榮會唔會咁戇居？如果啲人話呢件事係發『死人財』就係好無知。」又指搞展映只想將家駒精神流芳百世，認為以家駒的成就，但沒有「似樣啲嘅紀錄片」實在難以接受，又謂：「睇完紀錄片，真係會有重新認識家駒嘅感覺，世榮都話睇到差啲流眼淚。」他又感恩曾以為遺失的紀錄片，都可無意間「失而復得」。

問到可有邀請家強及Beyond成員黃貫中（阿Paul）參與？Leslie稱紀錄片已構思了逾數十年，直至今年中才將多年來所收集得到的錄影片剪接完畢，而3至4個月前已通知家強及Paul發出邀約，他說：「一直有同Paul嘅經理人聯絡，但夾唔到期做訪談，經理人話阿Paul係支持嘅，佢參與唔到係遺憾。（咁家強呢？）我做乜家強哥都唔支持，佢又喺美國 ，無辦法飛過去同佢拍攝。（擔唔擔心同家強又掀起罵戰？）家強講咩都唔重要，我亦唔會理，今次係一班好親密嘅好朋友、工作人員為家駒做一件好事，講笑咁講，佢唔參與更好，佢可以自己拍一部，講晒所有嘢，由家駒細個講到大個。」又補充指「雙黃」未能參與沒有影響效果，只是未夠完美，又謂：「家駒離開我哋都唔完美啦。」

而紀錄片中最驚喜是家駒兩位前度女友現身，他說：「搵咗Beyond未紅前，就同家駒拍拖嘅藝人潘先麗，仲有歌手林楚麒，其實之後仲有位簡小姐，可惜同佢失聯，佢亦唔想講家駒嘅事。」Leslie爆了小秘密，稱和家駒幾乎成為親戚，因潘先麗的胞姐、當選亞姐亞軍的潘先儀正是他前女友。

上一則

下一則

on.cc東網