做番自己！世榮唔介意戴Beyond光環發展

20160624

• Tweet

東網電視

更多新聞短片

葉世榮話唔會介意被指戴住Beyond光環喺樂壇發展，因為佢認為無論佢做咩工作，啲人都會叫佢Beyond世榮。

歌手葉世榮接受有線高清娛樂台《樂壇第一手》訪問，葉世榮回想當年Beyond的點點滴滴，他說：「當年我哋四個血氣方剛，夾Band就係我哋嘅生活，嗰段日子好開心。自從家駒離世後，我哋承受好大壓力，好似冇咗靈魂一樣，好迷失！」

三子尋找自己方向

世榮甚至以餐桌來比喻Beyond四位成員，他說：「就好似一張枱有四隻腳，可以好穩固咁載住上面嘅粉絲，但失去咗家駒，就等於少咗一隻腳，失去重心，其餘三隻要努力變粗，先可以撐得住！」他更指Beyond三子一直在尋找自己的方向，努力振作，他說：「好似阿Paul（黃貫中），佢要由本來結他手嘅位置走到最前方，負起唱歌、寫歌嘅責任，其實佢內心都掙扎咗好耐。」

嘆轉型做歌手表現差

世榮曾被外界指他戴着Beyond的光環在樂壇發展，對此他表示：「我唔會介意，相信無論我係咪做音樂，甚至去街頭賣牛雜，大家都會叫我Beyond世榮，因為大家係透過Beyond認識我。（由鼓手變歌手，獨立發展更加輕鬆？）因為你只係需同自己負責！起初做歌手時，我覺得自己表現好差，決定去內地發展，努力爭取演出機會，直到今日，我好滿意自己嘅轉變。」

上一則

下一則

on.cc東網