葉世榮開紀念騷：冇黃家駒唔係Beyond

20151118

• Tweet

東網電視

更多新聞短片

葉世榮與「異種」樂隊（右下圖）上電台大談Beyond。

Beyond成員葉世榮帶同馬來西亞樂隊「異種」到電台宣傳，世榮透露繼19年前雙方首次合作後，到2013年再邀合作，因為喜歡樂隊的歌曲《貪嗔痴》，故改編成合唱版。

問兩個版本有何分別？異種樂隊主音司徒說：「我哋之前做嗰陣諗太多，塞埋晒就搞到好多嘢唔通，冇留意細節，依家版本好舒服。（想世榮幫你哋監製下一隻碟？）梗係想啦。」世榮說：「我忙都會睇住佢哋，我哋Beyond嘅監製都樂意。」而他亦助異種樂隊簽約自己北京經理人公司，問如何報答世榮？世榮代為表示：「佢哋做好音樂、做好人就得。」

異種樂隊深藏不露

問異種樂隊關係如何？他們表示成員間會有意見不合，但司徒和老鬼已是多年朋友，大山和無名則是新加入的隊員：「大山好欣賞異種，2014年曾經有隊員變化，大山畀好多鼓勵，之後叫佢Send自己彈結他嘅片嚟，發現佢係隱士，就飛去搵佢。」

談到世榮透露明年六月十日家駒生忌開慈善騷，他解釋今年五月收到一張粉絲寄來有家駒照片的紀念音樂會海報，然而對於詳細、主辦方是誰等問題全不清楚：「好多騷都話紀念家駒，或者受佢影響，但忽略咗家駒教嘅愛心，係要表揚同承傳佢愛心，所以我用呢個做主題，希望之後有人搞會針對呢三點。」

冇Beyond唔識咩係搖滾

問到黃家強及黃貫中（Paul）的關係可有改善？世榮說：「繼續努力，近排冇問，但依家難題係個期，我呼籲要明年6月10日個期，或者考慮第二啲場。（叫得郁家強同Paul？）繼續遊說，呢個唔係Beyond騷，我同家強諗嘅嘢一樣，冇家駒嘅Beyond唔係Beyond，今次都會請其他歌手。」

世榮又透露日前帶同異種樂隊拜祭家駒，問異種對家駒說了甚麼？他們說：「會繼續嗰份對音樂嘅執着同堅持。（拜嗰陣有感觸？）係，我哋係粉絲，冇Beyond唔識咩係搖滾，我哋去到新嘅Level都係靠葉世榮，而音樂係我哋生命。」

上一則

下一則

on.cc東網