延續亡兄遺志 黃家強以亡父作榜樣

20150611

• Tweet

東網電視

更多新聞短片

「年月把擁有變做失去」，人有情，歲月卻無情，把人和物悄悄偷走，相信家強呢一刻感觸不少。

「年月把擁有變做失去」，年月之所以無情，是它可將你擁有的一切，不留痕迹地帶走。黃家強廿二年前失去了胞兄黃家駒，從此家強的世界不再海闊天空。去年再次被命運之神作弄，痛失了另一位生命中的至親－－年邁的黃爸爸安詳病逝。家強忍淚哽咽剖白，誓以亡父作榜樣，立志當個模範嚴父，為一對兒子迎接光輝歲月。

本以為隨着年月，家強與家駒這份兄弟情不知不覺已變淡，但原來家強多年來一直致力延續家駒的音樂夢，今年終於推出主流唱片《沉香》及純音樂唱片，用音符把兩兄弟重新連繫起來。「細個家駒成日同我講好想做純音樂，因為佢好鍾意揸住結他，一個人玩已經好開心，好希望出隻純音樂唱片。奈何要出呢隻唱片係好難，三年前問過好多人，個個都話好難發行，好多障礙。但呢隻唱片表達到自己另類嘅理想，可以話係同家駒一齊達成咗理想。」家強說。

為亡兄成功圓夢，總算放下了一塊心頭大石，可是去年家強再一次面對沉重打擊，父親因病離世，家強倒抽一口氣，含淚細訴父子情：「爸爸上年離開咗我，佢係我人生另一位好尊敬嘅人，我用音樂《一生雋永》去表達對佢嘅愛意。佢都好大年紀，走得都快，唔辛苦，佢好堅強，我希望自己人生都好似佢咁堅強去面對所有嘢，當然我好掛住爸爸。」

嚴父出孝子，黃爸爸生前是位嚴厲而硬朗的父親，已是兩子之父的家強誓要向父親學習：「媽媽自小點講我都唔聽，係爸爸一喝先會停晒，可以鎮住啲小朋友。我都希望對小朋友做個嚴厲嘅感覺，到佢大個先會放寬番，我要佢哋知道我發火時會係好惡。大仔就唔使打，喝就會驚，細仔就太曳，要打吓Pat Pat。」

上一則

下一則

on.cc東網