黃家強堅拒與黃貫中同台：我哋緣盡於此！

20150520

• Tweet

東網電視

更多新聞短片

黃家強更坦言三人可以同場，不過就絕不會與黃貫中同台。

早前《東網》獨家披露葉世榮有信心令鬧不和的黃家強及黃貫中（Paul）破冰，Beyond有望合體再開騷，可是家強在電台訪問時卻斬釘切鐵稱絕不會合體，似是中途轉軚。

家強今日接受《東網》專訪，強調自己並非「華麗轉身」，而是電台的錄音訪問是在較早前進行：「當時係覺得冇可能重組，今次世榮有Call我，希望幫黃家駒搞紀念活動，邊個搞我都會支持，更何況係世榮，好感激份心意。（畀面世榮同家駒？）可以咁講。」

「唔想違背良心做嘢」

家強雖然未有落實是否會出席紀念騷，但放風表示一切視乎世榮的計劃及做法，周內將會與世榮見面詳談，問到是否介意三人同台演出，家強直言：「我會介意，我勉強唔到自己，我唔想違背良心做嘢。」問是否怕與Paul再掀是非及面左左，家強態態度強硬表示：「同台呢件事唔會發生，唔發生就唔會有是非，我唔係嬲佢，只係覺得緣盡，已經係過去式，我無必要重蹈覆轍。（怕再受傷害？）冇諗將來，唔會有任何嘢發生喺我哋身上，我唔會再向前一步，我哋緣盡於此！」

「有嘗試冰釋前嫌」

如今雙方關係勢成水火，問到是否無轉彎餘地，家強說：「我有努力去挽救，嘗試冰釋前嫌去忍，去盡量忍受對方，點知方法行唔通。可能係寵壞咗啦，我太過唔計較，咩都吞聲忍氣，但只會助長佢令事件去到咁極端，一發不可收拾，無謂浪費大家時間。」

「我忍唔到佢亂講嘢」

問到兄弟決裂的導火線，家強表示2008年曾作出讓步平息不和事件，翌年與Paul合體開騷：「估唔到2013年再嚟一次（雙方互罵），再有咁大風波，完全出乎我意料之外。我忍受到人哋雜誌亂寫嘢，但我忍唔到佢亂講嘢，仲要夾埋人哋亂講嘢。真係緣盡，佢以後點講都唔會嬲，唔會諗。（無視佢？）係囉。」提到有傳二人曾大打出手，家強否認說：「冇打交，我唔鍾意打交，呢個唔係我性格。」

上一則

下一則

on.cc東網