叶世荣大搞黄家驹纪录片展映 公开未曝光照片

2025年10月30日 09:16

• Tweet

东网电视

更多新闻短片

殿堂级乐队Beyond主音黄家驹逝世至今32年，其1993年的经典作《海阔天空》MV，在线上影片平台点击次数逾1亿6千万次，可见其摇滚地位永垂不朽。而其队友叶世荣及Beyond前经理人陈健添（Leslie)于10月31日及11月7日假湾仔举行“《Because of You Ka Kui • 真的相识过》黄家驹超世纪纪录片”香港•展映，纪录片中达20位家驹最亲密的伙伴，以访谈方式讲述家驹的故事，当中有鲜为人知的往事，且有大量珍贵及未曝光过的照片。

任纪录片监制的世荣表示：“呢个纪录片嘅结论系家驹有好多方面值得我哋去学习，佢对音乐、个人理想嘅追求，做事坚持嘅态度同投入感，都系非常值得我哋去借镜，佢系个好特别嘅普通人，又系个非常可爱嘅人。”

同是任监制的Leslie跟Beyond成员、家驹胞弟黄家强屡次隔空骂战，对于今次以家驹之名搞展映可担心再惹是非？他越洋受访说表示：“今次世荣做监制，我冇出镜喎，如果我系敛财，世荣会唔会咁戆居？如果啲人话呢件事系发‘死人财’就系好无知。”又指搞展映只想将家驹精神流芳百世，认为以家驹的成就，但没有“似样啲嘅纪录片”实在难以接受，又谓：“睇完纪录片，真系会有重新认识家驹嘅感觉，世荣都话睇到差啲流眼泪。”他又感恩曾以为遗失的纪录片，都可无意间“失而复得”。

问到可有邀请家强及Beyond成员黄贯中（阿Paul）参与？Leslie称纪录片已构思了逾数十年，直至今年中才将多年来所收集得到的录影片剪接完毕，而3至4个月前已通知家强及Paul发出邀约，他说：“一直有同Paul嘅经理人联络，但夹唔到期做访谈，经理人话阿Paul系支持嘅，佢参与唔到系遗憾。（咁家强呢？）我做乜家强哥都唔支持，佢又喺美国 ，无办法飞过去同佢拍摄。（担唔担心同家强又掀起骂战？）家强讲咩都唔重要，我亦唔会理，今次系一班好亲密嘅好朋友、工作人员为家驹做一件好事，讲笑咁讲，佢唔参与更好，佢可以自己拍一部，讲晒所有嘢，由家驹细个讲到大个。”又补充指“双黄”未能参与没有影响效果，只是未够完美，又谓：“家驹离开我哋都唔完美啦。”

而纪录片中最惊喜是家驹两位前度女友现身，他说：“搵咗Beyond未红前，就同家驹拍拖嘅艺人潘先丽，仲有歌手林楚麒，其实之后仲有位简小姐，可惜同佢失联，佢亦唔想讲家驹嘅事。”Leslie爆了小秘密，称和家驹几乎成为亲戚，因潘先丽的胞姐、当选亚姐亚军的潘先仪正是他前女友。

上一则

下一则

on.cc东网